SMART Apps-in yeni Təkmilləşdirmə qeydləri buraxılışını təqdim edirik. Bu buraxılış maliyyə və əməliyyat proseslərinin avtomatlaşdırılması üçün nəzərdə tutulmuş biznes həlləri ekosisteminin inkişafını davam etdirir. Təkmilləşdirmələr pul vəsaitlərinin hərəkətinin idarə edilməsi, lizinq əməliyyatlarının uçotu, qanunvericiliklə müəyyən edilmiş hesabatların hazırlanması, əsas məlumatların (master data) idarə edilməsi və elektron sənədlərin idarə olunması üzrə yeni funksional imkanları əhatə edir. Bundan əlavə, istehsal xərclərinin bölüşdürülməsini avtomatlaşdırmaq və pərakəndə ticarətdə maliyyə və fiskalizasiya əməliyyatlarını optimallaşdırmaq üçün yeni həllər təqdim olunur. Təkmilləşdirmələr və yeni həllər uçotun dəqiqliyini artırmağa, biznes proseslərini optimallaşdırmağa və yerli bazarın tələblərinə uyğunluğu təmin etməyə yönəlib.
- Müqavilədən analitik ölçü vahidlərinin dəyərlərinin avtomatik doldurulması təkmilləşdirildi – artıq müqavilə üzrə debitor/kreditor borcları üzrə planlaşdırılan əməliyyat sətrində müqavilə nömrəsi qeyd edildikdən dərhal sonra analitik ölçü vahidləri dəyərləri başqa sətrə keçməyə ehtiyac olmadan avtomatik olaraq müqavilədən doldurulur.
- “Pul vəsaitlərinin hərəkəti proqnozu” səhifəsinə “Proqnozun yenilənməsi metodu” xanası əlavə edildi. Bu xana jurnal sətirləri formalaşdırılarkən sistemin pul vəsaitlərinin hərəkəti kitabını necə yeniləyəcəyini müəyyən edir.
- “Pul vəsaitlərinin hərəkəti üzrə əməliyyatlar kitabı” səhifəsinə “Bank hesabının qalığı” məlumat paneli əlavə edilib. Panel “Şirkətin bank hesabı nömrəsi” xanası doldurulmuş əməliyyatlar üçün göstərilir və seçilmiş əməliyyatın hesabdakı qalığa təsirini qiymətləndirməyə imkan verən proqnozlaşdırılan hesab qalığını əks etdirir. Bütün məbləğlər bank hesabının valyutasında göstərilir. Hesablama tarixi iki tarixdən daha gec olan tarix kimi müəyyən edilir: iş tarixi və ya seçilmiş əməliyyatın pul vəsaitlərinin hərəkəti tarixi.
- Diskont faktorları üçün yeni faiz növü — “Dövrlər üzrə effektiv” əlavə edilmişdir. Bu faiz növü üçün dövr üzrə faiz dərəcəsi illik faiz dərəcəsi əsasında aşağıdakı düsturla hesablanır: (1+İllik faiz dərəcəsi)^(1/İllik ödənişlərin sayı)-1 Effektiv faiz dərəcəsi faiz məbləğinin, annuitet əmsalının, ilkin və son ödənişlərin, həmçinin icarə ödənişlərinin cari dəyərinin hesablanmasında istifadə olunur.
- Qeyri-icarə ödənişlərinin maliyyə jurnalı vasitəsilə hesablanması imkanı əlavə edildi (əvvəllər bunu yalnız alış sənədləri vasitəsilə etmək mümkün idi). “MHBS parametrləri” səhifəsinə “Qeyri-icarə ödənişləri üzrə xərclər hesabı” adlı yeni xana əlavə edildi. Bu xanada qeyri-icarə ödənişlərinin hesablanması üçün Baş kitabın hesabı göstərilir.
- Diskont faktorlarının yaradılması optimallaşdırılmışdır: artıq “Faktorun dəyəri, %” xanasına əvvəlcədən dəyər daxil etmədən xanaları istənilən ardıcıllıqla doldurula bilər.
- İcarə obyektinin kartında, İcarə şərtləri bölməsində, “İcarə haqqı” tipli şərtlər üçün icarə dəyərinin dövrlər üzrə detallaşdırılmasına imkan verən cədvəl hissəsi əlavə edildi. Bu hissədə icarənin başlama tarixinə məlum olan, müqavilə ilə əvvəlcədən razılaşdırılmış icarə haqqı dəyişikliklərini daxil etmək mümkündür. Bunun üçün hər dövr üzrə şərtlərin qüvvəyə minmə tarixi, qüvvədə olma müddətinin bitmə tarixi və vahid üzrə icarə haqqı göstərilir. İlkin hesablanma zamanı detallaşdırma cədvəlində göstərilən bütün gələcək ödənişlər pul vəsaitlərinin hərəkəti, cari dəyər (PV) və ilkin icarə öhdəliyinin hesablanmasında nəzərə alınır.
SMART Reserves modulunda məbləğ xanaları üçün valyuta kodlarının göstərilməsi imkanı əlavə edilmişdir. Baş kitab sazlaması səhifəsində “Valyutanı göstər” seçimi aktiv olduqda, əməliyyatın valyutasına uyğun olaraq yerli və ya xarici valyutanın kodu əks olunur. Məbləğ olmayan Decimal tipli xanalar üçün valyuta kodu göstərilmir.
Yeni:
- Seçilmiş qeydlərin yenidən göndərilməsi: bütün məlumat dəstini təkrar göndərmədən, məsələn, uyğunsuzluğu aradan qaldırmaq üçün konkret qeydləri təyinat şirkətinə yenidən göndərmək imkanı.
Təkmilləşdirmələr:
- Əsas təşkilatın və məlumatları qəbul edən təşkilatların mərhələli konfiqurasiyası sadələşdirildi: mərhələlər üzrə ümumi baxış təqdim edən yeni səhifə və konfiqurasiya səhifələrindəki aydın təlimatlar sizi məlumat dəstləri, giriş məlumatları, bağlantılar, icazələr və planlaşdırılmış tapşırıqlar üzrə addım-addım istiqamətləndirəcək.
- MDM artıq şirkətinizin öz qaydaları ilə genişləndirilə bilər. Bu qaydalar əsas məlumatlar təyinat təşkilatına daxil olarkən icra olunur. Məsələn, yeni qeyd yaradıldıqdan sonra xana dəyərlərinin yoxlanılması mümkündür.
- İndi Business Central lisenziyasının istənilən növünə, o cümlədən məhdudiyyətli lisenziyalara malik istifadəçilər MDM vasitəsilə sinxronizasiya edilən əsas məlumatları redaktə edə bilərlər.
Düzəlişlər:
- Xanaların siyahısı çeşidləndikdə məlumat dəstinə daxil ediləcək və ya yoxlanılacaq xanaların seçilməsi artıq düzgün işləyir.
Microsoft Dynamics 365 Business Central əsasında hazırlanmış və LS Central sisteminin funksionallığını genişləndirən yeni SMART Retail Core həlli təqdim edildi. Həll pərakəndə ticarət müəssisələrində maliyyə uçotunun avtomatlaşdırılmasına kömək edir. Həll mağazalarda nağd pul vəsaitlərinin hərəkətinə nəzarəti təmin edir, ödəniş sətirlərinin bölüşdürülməsi hesabına bank və ekvayrinq çıxarışları ilə ödənişlərin daha dəqiq üzləşdirilməsinə imkan yaradır, həmçinin satış növü haqqında məlumatların mühasibat uçotu qeydlərinə avtomatik ötürülməsini təmin edir.
SMART Retail Core müxtəlif formatlı mağazalarda nağd pul vəsaitlərinin vahid uçot sistemini təmin edir, kassa qalıqlarına real vaxt rejimində nəzarət etməyə və müəyyən edilmiş limitlərə yaxınlaşma hallarında operativ tədbirlər görməyə imkan verir. Həllin funksionallığı maliyyə komandalarına uyğunsuzluq risklərini azaltmağa, hesabatların keyfiyyətini yüksəltməyə və idarəetmə qərarlarının qəbulu üçün daha etibarlı məlumatlar əldə etməyə kömək edir.
SMART E-Receipt for Azerbaijan
Azərbaycan üçün yeni SMART E-Receipt for Azerbaijan həlli təqdim edildi. Bu həll E-kassa elektron kassa aparatını Microsoft Dynamics 365 Business Central və LS Central sistemləri ilə inteqrasiya edərək ödəniş əməliyyatlarının fiskallaşdırılması prosesini avtomatlaşdırır.
Həll satışlar və qaytarmalar üzrə elektron çeklərin formalaşdırılmasını, kassa növbələrin açılması və bağlanmasını, nağd pulun kassaya mədaxilini və kassadan məxaricini, X və Z hesabatlarının yaradılmasını, həmçinin bank POS-terminalları ilə inteqrasiyanı dəstəkləyir. Bu funksionallıq satış, ödənişlərin emalı və fiskallaşdırma proseslərini vahid iş axınında birləşdirərək E-kassa ilə xüsusi inteqrasiyanın ayrıca hazırlanması zərurətini aradan qaldırır.
SMART Retail Localization for Azerbaijan
Azərbaycan bazarı üçün LS Central sisteminin funksionallığını yerli vergi və fiskal tələblərə uyğun genişləndirən yeni SMART Retail Localization for Azerbaijan, həlli təqdim edildi. Həll fiskal çeklərin çapını, kassa əməliyyatlarının emalını və hesabatların formalaşdırılmasını dəstəkləyir. Bu, pərakəndə satış müəssisələrinə satışların və pul vəsaitlərinin hərəkətinin düzgün uçotunu təmin etməyə kömək edir.
SMART Retail Localization for Azerbaijan satışlar, qaytarmalar, düzəlişlər, nağd pulun kassaya mədaxili və kassadan məxarici kimi əsas kassa əməliyyatlarını, həmçinin elektron jurnal qeydlərinin və X və Z hesabatlarının formalaşdırılmasını avtomatlaşdırır. Həll Microsoft Dynamics 365 Business Central platforması əsasında hazırlanıb və sistemin yerli bazarın xüsusiyyətlərinə uyğunlaşdırılması üçün əsas funksionallığı təmin edən aktiv SMART Core/Accounting Localization for Azerbaijan həllinin mövcudluğunu tələb edir.
Microsoft Dynamics 365 Business Central sistemində istehsal xərclərinin köçürülməsi və bölüşdürülməsi proseslərini avtomatlaşdırmaq üçün nəzərdə tutulmuş SMART Cost Allocation həllini təqdim edirik.
SMART Cost Allocation xərc uçotu hesablarında yığılmış ümumistehsalat xərclərinin istehsalat hesablarına köçürülməsi və bölüşdürülməsi prosesini avtomatlaşdırır. Bu zaman ölçülər üzrə analitik məlumatlar qorunub saxlanılır. Həll dövrün bağlanması üçün tələb olunan vaxtı azaldır, çoxsaylı müxabirləşmələrin əl ilə yaradılması zərurətini aradan qaldırır və istehsalat xərclərinin maliyyə uçotunda düzgün əks etdirilməsini təmin edir.
Funksional imkanlar:
- Baş kitab hesabları üzrə qalıqların “hesab + analitik vahidlər” kombinasiyasına əsasən avtomatik köçürülməsi.
- Mənbə və təyinat hesabları arasında analitik vahidlərin uyğunlaşdırılmasının (mapping) dəstəklənməsi.
- Məbləğin müəyyən edilmiş əmsallara uyğun olaraq bir neçə təyinat hesabı arasında bölüşdürülməsi.
- Köçürmə zamanı bütün analitik məlumatların və analitik vahid dəstlərinin qorunub saxlanılması.
- Hesab qalıqları əsasında müxabirləşmələrin kütləvi şəkildə formalaşdırılması.
Hazırlanma mərhələsində olan funksiyalar:
- Bölüşdürmə meyarlarından istifadə etməklə hazır məhsulun maya dəyərinin hesablanması.
- Növbəti hesabat dövrlərinə keçirilən bitməmiş istehsalın hesablanması.
- Göstərilən xidmətlərin maya dəyərinin hesablanması.
