თავდაპირველად, ERP სისტემა წარმოების დაგეგმვისთვის შეიქმნა. დღესდღეობით ის სხვადასხვა ინდუსტრიაში გამოიყენება, თუმცა მწარმოებელი კომპანიები კვლავ მთავარ მომხმარებლებად რჩებიან. მეტიც, გადაწყვეტილებებზე მოთხოვნა კვლავ იზრდება, მისი ეფექტურობიდან გამომდინარე. შევეცადოთ გავიგოთ, როგორ ფუნქციონირებს წარმოების ERP სისტემა და როგორ უზრუნველყოფს ის წარმოების პროცესების ოპტიმიზაციას.
რა არის ERP სისტემა და რა წარმოადგენს მის ძირითად ღირებულებას?
ERP სისტემა არის ურთიერთდაკავშირებული მოდულების ნაკრები, რომელთაგან თითოეული პასუხისმგებელია ბიზნესის კონკრეტულ სფეროზე, როგორიცაა ფინანსები, აღრიცხვა, გაყიდვები, წარმოება, საწყობი და ინვენტარის მართვა, მარკეტინგი და ა.შ. გარდა ამისა, კომპანიებს შეუძლიათ გააფართოვონ გადაწყვეტილების ფუნქციონალი და მოარგონ ის მათ საჭირობებს. გაფართოებები რომლებიც შეიძლება დაემატოს Microsoft Dynamics 365 Business Central-ის ERP სისტემას, ათობით ათასს ითვლის.
ERP სისტემის მთავარი ღირებულება წარმოებისთვის ორგანიზაციის ყველა ძირითადი პროცესის ერთ პლატფორმაზე დაკავშირების შესაძლებლობაა მოდულების ურთიერთდაკავშირების საშუალებით. როგორც წესი, ამ გადაწყვეტილების იმპლემენტაციამდე კომპანიები იყენებენ განსხვავებულ ინსტრუმენტებს, მონაცემთა ბაზებს, რეპორტინგის სისტემებს და მრავალრიცხოვან ცხრილებს ინდივიდუალური ბიზნეს პროცესებისთვის. დეპარტამენტების მუშაობის კოორდინაციასა და რეპორტინგის შედგენაზე დახარჯული ძალისხმევის მიუხედავად პროცესები მაინც „იჭედება“.
ERP სისტემით, ბიზნესის სხვადასხვა სფერო იწყებს მუშაობას, როგორც ერთიანი. გაყიდვების განყოფილების მონაცემები მყისიერად მოქმედებს წარმოების მოცულობაზე, ხოლო მარაგის დონე გავლენას ახდენს შესყიდვებზე. ეს ყველაფერი კი ავტომატურად ისახება ფინანსურ და ბუღალტრულ ანგარიშებში.
სინქრონიზაცია უზრუნველყოფილია შემდეგი მიზეზების გამო:
- კომპანიის ყველა დეპარტამენტი იყენებს ერთიან მონაცემთა ბაზას;
- ბევრი პროცესი ავტომატიზირებულია და ექვემდებარება კომპანიის მუშაობის ერთიან ლოგიკას.
სისტემა „აკონტროლებს“ ბიზნეს პროცესების სიზუსტეს და არასწორი ქმედებების პრევენციას ახორციელებს რეალურ დროში. შედეგად, ERP ამცირებს ნებისმიერ შეუსაბამობას და მის შედეგებს, როგორიცაა წარმოების შეფერხება, ჭარბი მარაგები, საქონლის დეფიციტი, დროული გადაზიდვები და უზუსტობები ხელშეკრულებებსა და ანგარიშებში.
მოდით უფრო დეტალურად განვიხილოთ ERP გადაწყვეტილების გამოყენების უპირატესობები წარმოებისთვის Microsoft Dynamics 365 Business Central-ისა და მასთან დაკავშირებული ხელსაწყოების მაგალითის გამოყენებით.
ERP წარმოებისთვის: მიწოდების ჯაჭვის ოპტიმიზაცია
Business Central-ის ის მოდულები წარმოებისთვის დაკავშირებულია მიწოდების ჯაჭვის ყველა რგოლთან, როგორიცაა ნედლეულის შეძენა, ინვენტარის და საწყობის მართვა, წარმოების დაგეგმვა, გაყიდვები, გადაზიდვა და ა.შ. მნიშვნელოვანია აღინიშნოს, რომ ეს არის ურთიერთდაკავშირებული მოდულების სისტემა, რომელიც მოიცავს ჯაჭვის ყველა ელემენტს და საშუალებას გაძლევთ კოორდინაცია გაუწიოთ მათ ერთმანეთთან მიმართებაშო და ეფექტურად დაგეგმოთ მათი კოორდინირებული მუშაობა.
წარმოების დაგეგმვის საწყისი წერტილი არის მოთხოვნა. დასაწყისისთვის, აუცილებელია გაყიდვების მოცულობის პროგნოზირება გარკვეული პერიოდის განმავლობაში, რათა დაიწყოთ პროდუქციის შესაბამისი მოცულობის წარმოება. ეს საკმაოდ რთული ამოცანაა, რომელიც მთელი ანალიტიკური დეპარტამენტის ჩართულობას გულისხმობს.
საბედნიეროდ, უკვე არსებობს ინსტრუმენტები, როგორიცაა Smart Demand Forecast. ის იყენებს ხელოვნურ ინტელექტს და შეუძლია ზუსტი მოთხოვნის პროგნოზის გაკეთება გაურკვევლობის პირობებშიც კი. ეს ინსტრუმენტი არ საჭიროებს დამატებით ინტეგრაციას Business Central სისტემასთან, საიდანაც მას შეუძლია მიიღოს მონაცემების დიდი ნაწილი პროგნოზებისთვის (გაყიდვები, ნომენკლატურა და ა.შ.), რადგან ის იმავე პროდუქტის ეკოსისტემას მიეკუთვნება.
სისტემაში პროგნოზის დამატების შემდეგ ის გეგმავს საწარმოო სიმძლავრეებს და მათ გამოყენებას, რაც მოთხოვნის გარდა ითვალისწინებს:
- მზა პროდუქციის დონეს საწყობებში;
- წარმოების შეკვეთებს, რომლებიც უკვე დაწყებულია.
იმ შემთხვევაში, თუ არსებული ინვენტარი და უკვე დაგეგმილი საწარმოო შეკვეთები საპროგნოზო მოთხოვნას ვერ დააკმაყოფილებს, მაშინ Business Central დამატებითი საწარმოო შეკვეთების შექმნას შემოგთავაზებთ.
მოთხოვნის სხვა სახეობაა მომხმარებლისგან პროდუქციის გარკვეული ჯგუფის პირდაპირი შეკვეთა. ამ შემთხვევაში, სისტემა განსაზღვრავს ოპტიმალურ წერტილს ამ პარტიის წარმოების დასაწყებად, რათა დროულად მიაწოდოს იგი კონტრაგენტს.
გარდა ამისა, Microsoft Dynamics 365 Business Central აკონტროლებს საქონლის წარმოების სპეციფიკაციის ყველა დონეს და ამოწმებს საკმარისია თუ არა კომპონენტების მარაგი პროდუქტების წარმოებისთვის. როდესაც ეს მარაგი კონფიგურირებულ ზღვარს აღწევს, როგორიცაა კრიტიკული მინიმუმი, სისტემა ავტომატურად ქმნის შეკვეთებს ნახევარფაბრიკატების წარმოებისთვის, ნედლეულის ტრანსპორტირებისთვის ან შესყიდვისთვის.
პროცესის ავტომატიზაცია არა მხოლოდ ზრდის ეფექტურობას და ამცირებს შეფერხებებს, არამედ გათავისუფლებთ ხელით შესასრულებელი სამუშაოსგან. მაგალითად, მიმწოდებლისგან ნედლეულის შესყიდვის შეკვეთის განსათავსებლად, თქვენ არ გჭირდებათ წერილის დაწერა ან ქაღალდის დოკუმენტების გაგზავნა. საკმარისია სისტემაში შესაბამისი პროცესის გაშვება, რომელიც თავად წარმოქმნის შესყიდვის დოკუმენტს.
გარდა ამისა, დოკუმენტის ნაკადის პროცესის ოპტიმიზაციისთვის, შეგიძლიათ გამოიყენოთ SMART EDI ინსტრუმენტი, რომელიც წარმოადგენს Business Central-ის დამატებას. ამ გადაწყვეტილებით ელექტრონული დოკუმენტები კონტრაგენტებთან ავტომატურად გაიგზავნება, თანამშრომლების მცირე ჩართულობით ან მის გარეშე და ინფორმაციის დაკარგვის მინიმალური რისკით. ასე რომ, დოკუმენტის გენერირების შემდეგ სისტემა მას მიმწოდებელს გაუგზავნის.
ნედლეულის ან კომპონენტების შეძენის შემდეგ სისტემაში იტვირთება გადახდის დოკუმენტები, წინააღმდეგ შემთხვევაში შეუძლებელი იქნება მზა პროდუქციის წარმოებისთვის მასალების ჩამოწერა. ზოგადად, სისტემა გამორიცხავს მოქმედებებს, რომლებიც ეწინააღმდეგება მასში არსებულ ლოგიკას, როგორიცაა არასწორი საწყობიდან გაგზავნა ან არასწორი კომპონენტების ჩამოწერა და ა.შ. ნებისმიერი გაუგებრობა მიწოდების ჯაჭვის რგოლებს შორის.
სიღრმისეული ანალიტიკა მტკიცებულებებზე დაფუძნებული ბიზნეს გადაწყვეტილებებისთვის
Business Central-ს აქვს მოსახერხებელი ინსტრუმენტები, რომლებიც საშუალებას გაძლევთ მარტივად შექმნათ ასზე მეტი ტიპის ანგარიში, მათ შორის კონსოლიდირებული ფინანსური ანგარიშგება ორგანიზაციის ყველა ხარჯისა და შემოსავლისთვის. ვინაიდან სისტემა აკონტროლებს მონაცემთა სწორ და თანმიმდევრულ შეყვანას, ასეთი ანგარიშები საიმედო ინფორმაციის წყაროა ბიზნესის საქმიანობის შესახებ.
თუმცა, ამ მონაცემების შესასწავლად, დასკვნების გამოსატანად და მასზე დაყრდნობით გადაწყვეტილების მისაღებად, თქვენ კვლავ გჭირდებათ ანალიტიკოსთა მთელი გუნდი. ალტერნატიულად, შეგიძლიათ გამოიყენოთ Microsoft Power BI, ინსტრუმენტი, რომელსაც შეუძლია შეადაროს მონაცემები სხვადასხვა ERP ანგარიშებიდან ან ნებისმიერი გარე წყაროდან და წარმოაჩინოს ისინი დეშბორდის სახით. ამრიგად, მომხმარებელი იღებს არა რიცხვების ნაკადს, არამედ დიაგრამებს, რომლებიც ნათლად აჩვენებენ სხვადასხვა სახის ურთიერთდამოკიდებულებებს და მიზეზ-შედეგობრივ კავშირებს. სხვათა შორის, ვინაიდან ეს ინსტრუმენტი ასევე ეკუთვნის Microsoft-ის ეკოსისტემას, თქვენ არ გჭირდებათ დროისა და ფულის დახარჯვა Business Central-თან მის ინტეგრირებაზე.
Power BI დეშბორდების დახმარებით თქვენ შეგიძლიათ შეისწავლოთ ყველა სახის კორელაცია. მაგალითად, როგორ მოქმედებს პროდუქტის ფასი მის გაყიდვებზე. თქვენ ასევე შეგიძლიათ გააანალიზოთ წარმოების გეგმა-ფაქტი: შეადარეთ დროის, ნედლეულის ან სხვა რესურსების დაგეგმილი მოხმარება რეალურ მოხმარებასთან. ან შეადარეთ პროდუქციის ან კომპონენტების დაგეგმილი ღირებულება რეალურ ღირებულებასთან. თქვენ შეგიძლიათ შეისწავლოთ ღირებულების დინამიკა: როგორ შეიცვალა ისინი მომწოდებლების, მასალების, გარკვეული აღჭურვილობის გამოყენებასთან მიმართებით და ა.შ.
ანალიზის კიდევ ერთი საინტერესო ობიექტია სხვადასხვა ხარჯები, რომლებიც შეიძლება დამუშავდეს რეგიონის, დეპარტამენტისა და შემთხვევის ხასიათის მიხედვით. მათი სტრუქტურის შესწავლით, შესაძლებელია იმის დადგენა, თუ რომელ ხარჯებს ეხებოდა და როგორ იმოქმედა მათ ღირებულებაზე, გაყიდვებზე და ხარისხზე. ამ გზით, თქვენ შეგიძლიათ გაიგოთ, რომელი მათგანი შეიძლება შემცირდეს ყოველგვარი უარყოფითი შედეგების გარეშე.
წარმოების რაციონალური ორგანიზება
ERP გადაწყვეტილება აერთიანებს საწარმოების ყველა ძირითად პროცესს კარგად კოორდინირებულ ავტომატიზირებულ სისტემაში, ეს კი ეფექტურობის ფუნდამენტურად ახალი დონეზა. ის საშუალებას აძლევს კომპანიებს გააუმჯობესონ რელევანტური ხარჯები, გააძლიერონ ურთიერთქმედება დეპარტამენტსბს შორის და აღმოაჩინონ ნებისმიერი „სუსტი რგოლი“ მთელი მიწოდების ჯაჭვში, ნედლეულის შეძენიდან მზა პროდუქციის მიწოდებამდე. ანალიტიკური ხელსაწყოების დამატება დაგეხმარებათ ზუსტად განსაზღვროთ მოთხოვნა და მიიღოთ სწორი გადაწყვეტილებები წარმოების პროცესების გასაუმჯობესებლად.
თუ გსურთ გაიგოთ მეტი იმის შესახებ, თუ როგორ შეუძლია ERP გადაწყვეტილებას თქვენი ბიზნესის გაუმჯობესება, მოითხოვეთ კონსულტაცია.
