BROCARD უკრაინის პრემიუმ სუნამოებისა და კოსმეტიკის ბაზარზე ერთ-ერთი ლიდერია, რომელიც 1997 წლიდან აყალიბებს სილამაზისა კულტურას. დღეს ქსელი წარმოდგენილია უკრაინის 22 ქალაქში და 67 მაღაზიას აერთიანებს, სადაც მომხმარებლებს 600-ზე მეტი ბრენდის დაახლოებით 32 000 პროდუქტის ფართო ასორტიმენტი ხვდებათ. BROCARD-ს ყოველდღიურად 2.5 მილიონზე მეტი მომხმარებელი ენდობა — ეს არის ხარისხზე, რეპუტაციასა და მომხმარებლის გამოცდილებაზე სისტემური და თანმიმდევრული მუშაობის შედეგი.
ასეთი მასშტაბი თანამშრომლებისგან უდავო პროფესიონალიზმს მოითხოვს და BROCARD კარგად აცნობიერებს, რომ ზრდა ძლიერი გუნდის გარეშე შეუძლებელია. კომპანიაში სპეციალისტების საშუალო სამუშაო სტაჟი 7.3 წელია, ხოლო ფინანსურ დეპარტამენტში — 11.6 წელი, რაც ნათლად ასახავს, რამდენად აფასებს ბრენდი საკუთარ ექსპერტებს. თუმცა, შესაბამისი ტექნიკური მხარდაჭერის გარეშე ნებისმიერი ექსპერტიზა სრულ პოტენციალს, როგორც წესი, ვერ აღწევს — სწორედ ამიტომ BROCARD მუდმივად აახლებს და ავითარებს საკუთარ პროგრამულ უზრუნველყოფას.
ამ ტრანსფორმაციების ისტორია წარმოდგენილი იყო CFO 2025-ზე — ერთ-ერთ უმსხვილეს ბიზნეს ღონისძიებაზე, რომელიც ყოველწლიურად ათასობით ფინანსურ დირექტორს (CFO), აღმასრულებელსა და ცვლილებების ლიდერს აერთიანებს. სწორედ აქ, BROCARD-ის ფინანსური კონტროლის დეპარტამენტის ხელმძღვანელმა, ტეტიანა სამონენკომ, SMART business-თან რვაწლიანი თანამშრომლობის შედეგები გააზიარა. მან დეტალურად ისაუბრა იმაზე, თუ როგორ დაიწყო ტექნოლოგიური ცვლილებების პროცესი და რა მიზნების მიღწევა შეძლო BROCARD-მა.
ტრანსფორმაციის დასაწყისი: რამ განაპირობა ახალი პროგრამული უზრუნველყოფის ძიება
BROCARD-მა თავისი პირველი CRM სისტემა 2002 წელს დანერგა. მრავალი წლის განმავლობაში იგი ეფექტურად უზრუნველყოფდა ბიზნეს პროცესების მხარდაჭერას. 2016 წლისთვის მისი ტექნოლოგიური შესაძლებლობები აღარ შეესაბამებოდა არც BROCARD-ის მასშტაბებს და არც თანამედროვე საცალო ვაჭრობის მოთხოვნებს. შედეგად, სისტემა ვეღარ უზრუნველყოფდა:
- მარკეტინგული ინსტრუმენტების სრულ დივერსიფიკაციას
- მომხმარებელთა მონაცემების სათანადო უსაფრთხოებას
- სხვადასხვა მაღაზიებში მარაგების სწრაფ მონიტორინგს
საჭირო გახდა სხვადასხვა წყაროდან – ონლაინ პლატფორმებიდან, მაღაზიებიდან და დამოუკიდებელი შიდა სისტემებიდან – მონაცემების მანუალური კონსოლიდაცია რამაც მნიშვნელოვნად გაართულა მენეჯერული გადაწყვეტილებების მიღება.
ამავდროულად, გაიზრდა IT ინფრასტრუქტურის მოთხოვნები. თანამედროვე საცალო ვაჭრობის ევოლუციის შედგეად, BROCARD ახალი გამოწვევების წინაშე აღმოჩნდა:
- მილიონობით SKU-ს და რთული ლოგისტიკური ჯაჭვების მართვა
- მომხმარებელთა მაღალი მოლოდინების დაკმაყოფილება შეუფერხებელი მომსახურებისთვის
- ჰიპერ-რელევანტური შეთავაზებების მიწოდება და პროდუქტის მუდმივი ხელმისაწვდომობის უზრუნველყოფა
- გარე რისკების შემცირება, როგორიცაა მიწოდების შეფერხებები, ინფლაცია და სამუშაო ძალის დეფიციტი
ამ პირობებში ეფექტური ფუნქციონირებისთვის კომპანიას სჭირდებოდა მონაცემების უზარმაზარი მოცულობის დამუშავება ERP-, CRM-, POS-, WMS-, ელექტრონული კომერციის პლატფორმებიდან და ათობით სხვა სისტემიდან. ხელით შესრულებული პროცესები და მოძველებული პროგრამული უზრუნველყოფა ვეღარ უზრუნველყოფდა ბიზნეს ოპერაციებისთვის აუცილებელ სიჩქარესა და ხარისხს.
BROCARD-მა გადაწყვიტა თანამედროვე პროგრამულ უზრუნველყოფის გამოყენება, რომელიც კომპანიას საშუალებას მისცემდა გაეზარდა მასშტაბები, ემუშავა მონაცემებთან რეალურ დროში და შეექმნა ბაზრის მოთხოვნებთან შესაბამისი, მოქნილი პროცესები.
ფარული გამოწვევები: როგორ გადალახა BROCARD-მა დაბრკოლებები ინოვაციების დანერგვისას
BROCARD-ში ახალ ტექნოლოგიურ მოდელზე გადასვლა მყისიერი პროცესი არ ყოფილა — კომპანია ამ ცვლილებებს ეტაპობრივად ახორციელებდა, ტექნიკური და ორგანიზაციული ბარიერების თანმიმდევრული გადალახვით. პირველ ეტაპზე გადაიხედა თანამშრომლობის მიდგომა IT დეპარტამენტთან. სულ რამდენიმე წლის წინ IT გუნდი პროცესებში ძირითადად მხოლოდ მაშინ ერთვებოდა, როცა პრობლემა ჩნდებოდა, ხოლო ციფრული გადაწყვეტილებები სტრატეგიული განვითარების მამოძრავებელი ძალის ნაცვლად დამხმარე ინსტრუმენტებად აღიქმებოდა. ციფრული ტრანსფორმაციის დაწყებასთან ერთად ვითარება მკვეთრად შეიცვალა: IT დეპარტამენტი იქცა იდეების, ინოვაციებისა და ფუნქციონალის უწყვეტი განვითარების წყაროდ, რამაც ბიზნესს პრაქტიკულად შეუზღუდავი მასშტაბირების შესაძლებლობები შესძინა.
საუკეთესო დანერგვის შედეგების მისაღწევად, ფინანსურმა და IT დეპარტამენტებმა თანამშრომლობის ძირითადი მიმართულებები განსაზღვრეს:
- ინოვაციების ერთობლივი დაგეგმვა და ბიუჯეტის კონტროლი
- ახალი ERP სისტემის, Business Central-ის დანერგვა
- მონაცემებზე დაფუძნებული კულტურის ხელშეწყობა
- პერსონალის ტრენინგი და ციფრული ცოდნის გაუმჯობესება
ოპტიმიზაციის პროცესში მნიშვნელოვანი როლი ითამაშა BROCARD-ის IT დირექტორმა — ცვლილებების კატალიზატორმა და ინოვაციების მთავარმა მამოძრავებელმა ძალამ, რომელმაც წარმატებით გააერთიანა ბიზნეს ხედვა და ტექნიკური ექსპერტიზა.
ტრანსფორმაციის პირველი მნიშვნელოვანი ნაბიჯი LS Central-ზე დაფუძნებული პირველი ონლაინ მაღაზიის გაშვება იყო, ბექ-ოფისის პროცესების თანამედროვე სისტემაზე მიგრაციის პარალელურად. ამ ეტაპამდე კომპანია 96 მაღაზიას მართავდა, ხოლო ოპერაციების ასეთი მასშტაბი გაცილებით მძლავრ IT არქიტექტურას მოითხოვდა.
ამავდროულად, თითოეულ ამ ნაბიჯს თან ახლდა საკუთარი, უნიკალური გამოწვევები:
- COVID-19, რომელმაც მნიშვნელოვნად შეანელა ოპერაციები და ახალი სამუშაო პირობები შექმნა.
- რუსეთის მიერ უკრაინაში სრულმასშტაბიანი შემოჭრა, ახალი ბექ-ოფისის განვითარება ყველაზე არასტაბილურ პერიოდში დაიწყო.
ერთი შეხედვით ეს სულაც არ იყო საუკეთესო დრო ციფრული ტრანსფორმაციისთვის. თუმცა, BROCARD-ის გუნდი ამ წინაღობების მიუხედავად არ გაჩერდებულა.
შედეგად, BROCARD-მა შექმნა სრულად ინტეგრირებული ციფრული ეკოსისტემა:
- Website — LS Central
- POS Terminals — LS Central
- CRM — Microsoft Dynamics 365 Customer Insights
- Mobile App — LS Central
- Analytics — Power BI, Microsoft Fabric
- ERP — Microsoft Dynamics 365 Business Central
- Office Suite — Microsoft 365
შედეგი #1: მარკეტინგული სტრატეგიის ტრანსფორმაცია
ციფრულმა ინსტრუმენტებმა სრულად შეცვალა BROCARD-ის მარკეტინგისადმი მიდგომა და იგი ინტელექტუალურ სისტემად აქცია, რომელიც ზუსტ მონაცემებსა და სწრაფ რეაგირებაზეა დაფუძნებული. კომპანიამ მომხმარებლების შესახებ მიიღო სიღრმისეული ცოდნა — არა მხოლოდ საბაზისო დემოგრაფიული ინფორმაცია, არამედ რეალური ქცევითი ნიმუშები, პრეფერენციები და მოტივაციები. ყველა არხიდან მიღებული მონაცემები თითქმის რეალურ დროში თავს იყრის CRM სისტემაში, რაც შესაძლებელს ხდის მომხმარებლის ქმედებებზე მყისიერ რეაგირებას და პერსონალიზებული ინიციატივების დაწყებას.
ამ ცვლილებებმა BROCARD-ს მისცა შესაძლებლობა მნიშვნელოვნად შეემცირებინა ანალიზზე დახარჯული დრო, სრულად ავტომატიზებულიყო სეგმენტაცია და საგრძნობლად გაეზარდა მარკეტინგული კამპანიების ეფექტურობა. მარკეტინგი აღარ ხარჯავს რესურსებს „ბრმად“ — თითოეული შეტყობინება სწორ აუდიტორიამდე აღწევს, რაც უზრუნველყოფს ბიუჯეტის უფრო ეფექტურ გამოყენებას და უკეთეს შედეგებს.
მობილური აპლიკაცია: ზრდის ახალი მამოძრავებელი ძალა
განახლებულმა მობილურმა ეკოსისტემამ თვალსაჩინო ცვლილებები მოიტანა მომხმარებლის ქცევაში:
- გაყიდვების +20%-იანი ზრდა
- 18-25 წლის აუდიტორიის +30%-იანი ზრდა
- მამრობითი აუდიტორიის ზრდა, რომლებიც აქტიურად ყიდულობენ პროდუქტებს საკუთარი თავისთვის
- აპლიკაციაში სესიის ხანგრძლივობა 50%-ით მეტია, ვიდრე ვებსაიტზე
ეს ადასტურებს, რომ აპლიკაცია ჩართულობისა და პერსონალიზებული მომსახურების სრულფასოვან პლატფორმად იქცა.
ხელოვნური ინტელექტი, როგორც ინოვაციის მამოძრავებელი ძალა
ხელოვნური ინტელექტი ინტეგრირებულია BROCARD-ის ყოველდღიურ ოპერაციებში:
- AR მაკიაჟის ვირტუალური გატესტვა ამცირებს შესყიდვის ბარიერებს და ზრდის ონლაინ გაყიდვებს.
- Zemits-ის კანის ანალიზის სისტემა კანის მდგომარეობას სულ რაღაც 15 წამში აფასებს — ინოვაციური სერვისი, რომელიც აუმჯობესებს მაღაზიაში არსებულ ექსპერტიზას.
- პერსონალიზებული რეკომენდაციები, push-შეტყობინებები და გადინების რისკის აღმოჩენა უზრუნველყოფილია მომხმარებელთა მონაცემთა პლატფორმის ანალიზითა და ხელოვნური ინტელექტის ალგორითმებით.
შედეგად, BROCARD-ს აქვს მარკეტინგი, რომელიც არა მხოლოდ ყიდის, არამედ მომხმარებლის საჭიროებებს ითვალისწინებს და პროაქტიულად მუშაობს.
შედეგი #2: მარაგების მართვა და მენეჯერული გადაწყვეტილებების მიღება
BROCARD-ის განახლებული ტექნოლოგიური ინფრასტრუქტურა მარაგების მართვის და მენეჯერული გადაწყვეტილებების მიღების პროცესის დაჩქარების საშუალებას იძლევა. Power BI-ში ყოველდღიური ანგარიშები ახლა ავტომატურად გენერირდება, რაც მენეჯერებს აძლევს საშუალებას მიიღონ განახლებული ინფორმაცია გაყიდვების, მოგების მარჟების, მარაგების დონესა და ძირითადი KPI-ების შესახებ. ფინანსური ანგარიშგება შეესაბამება საერთაშორისო სტანდარტებს — სასაჩუქრე ბარათებით ტრანზაქციებისა და ონლაინ გაყიდვების ზუსტი აღრიცხვით, ხოლო მენეჯმენტის ანგარიშგება ასახავს ხარჯების დეტალურ სტრუქტურას, მათ შორის მომწოდებლების ფასებს, მიწოდებას, დაზღვევას, რეტრო ბონუსებს და სხვა.
მაღაზიის ოპერაციების ავტომატიზაციამ მნიშვნელოვნად გაზარდა ეფექტურობა:
- საქონლის მიღება, გადატანა და ჩამოწერა ახლა სკანირებისა და შედეგების ავტომატური დამუშავების გზით ხორციელდება, რამაც პროცესის სიჩქარე 50%-ით გაზარდა.
- პროდუქტების გადატანა ცენტრალური საწყობიდან აღარ არის საჭირო: ისინი შესაძლებელია პირდაპირ მაღაზიებს შორის გადაადგილდეს ან საცალო მაღაზიიდან პირდაპირ საბითუმო გაყიდვებისთვის გაიყიდოს.
- ელექტრონულმა ხელმოწერებმა შიდა დოკუმენტების დამუშავება 10 დღიდან 1-2 დღემდე შეამცირა.
- პროგრამულ უზრუნველყოფაზე დაფუძნებული სალარო აპარატები უზრუნველყოფენ შეუფერხებელ მუშაობას — ინტერნეტის გარეშეც კი — 36 საათამდე.
მნიშვნელოვანი ცვლილება განხორციელდა მარაგების მართვის მიმართულებით, რომელიც ახლა სმარტფონისა და Microsoft Dynamics 365 Business Central მობილური აპლიკაციის საშუალებით ხორციელდება. ამან კომპანიას საშუალება მისცა, მხოლოდ ადმინისტრაციული პერსონალი ჩაერთო (პროდუქტის ექსპერტების საჭიროების გარეშე). შედეგად მარაგების მართვის სიჩქარე 2.5-ჯერ გაიზარდა.
ავტომატური შევსების გამოთვლებით გაუმჯობესდა მარაგების კონტროლი. ღამით, სისტემა ადარებს მარაგების დონეს იდეალურ ინვენტარს და ქმნის ტრანფერის დოკუმენტებს ცენტრალური საწყობიდან და მომწოდებლის შეკვეთებიდან დილით. ყველა შესყიდვის საქმიანობა რეგულირდება დამტკიცების სისტემით: კომერციული დეპარტამენტი ამოწმებს მომწოდებლის ბარათებს. გარდა ამისა, სისტემა ზომავს თითოეული მომწოდებლის მომსახურების დონეს.
პროდუქტის სტატუსის მართვა უფრო გამჭვირვალე გახდა: სისტემა უზრუნველყოფს შესყიდვის, გაყიდვის ან ფასდაკლებული გაყიდვების ბლოკების კონფიგურაციას. შტრიხკოდების გენერირებისას, ალგორითმი ავტომატურად განსაზღვრავს ოპტიმალურ ფასდაკლებას შენახვის ვადის მიხედვით – რაც უფრო მოკლეა ვადა, მით უფრო დიდია ფასდაკლება – რაც მინიმუმამდე ამცირებს ჩამოწერის დანაკარგებს.
BROCARD-ის რჩევები: რაზე უნდა გავამახვილოთ ყურადღება ციფრული ტრანსფორმაციის დროს
ციფრული ტრანსფორმაცია მხოლოდ პლატფორმის არჩევას არ გულისმობს — ის მოიცავს ათობით გადაწყვეტილებას, რომლებიც განსაზღვრავენ, სისტემის ეფექტურობას პრაქტიკაში. BROCARD-მა რამდენიმე ძირითადი რეკომენდაცია მოამზადა კომპანიებისთვის, რომლებსავ სურთ ციფრული ტრანსფორმაზე ზედმეტი ხარჯებისა და შეცდომების გარეშე:
- ზედმიწევნით განსაზღვრეთ პერსონალიზაციის საჭირო დონე
ძალიან ბევრმა პერსონალიზებულმა ცვლილებამ შეიძლება გაართულოს მომავალი ტექნიკური მომსახურება და განახლებები, ასევე გაზარდოს პროექტის ბიუჯეტი. თუმცა, მხოლოდ სტანდარტული ფუნქციონალი შესაძლოა არ იყოს საკმარისი, რადგან ყველა კომპანიას აქვს უნიკალური სამუშაო პროცესები, რომლებიც პროგრამულმა უზრუნველყოფამ უნდა გაითვალისწინოს. საუკეთესო მიდგომაა, ეს კორექტირება მომწოდებელს მიანდოთ.
- ჩართეთ რელევანტური დაინტერესებული მხარეები პირველივე დღიდან
ფინანსური გუნდისა და მასთან დაკავშირებული დეპარტამენტების აქტიური მონაწილეობა კრიტიკულად მნიშვნელოვანია. მათ საუკეთესოდ ესმით შიდა პროცესები და შეუძლიათ ადრეულ ეტაპზევე ამოიცნონ რისკები ან შეუსაბამობები პროგრამული უზრუნველყოფის პარამეტრებში.
- მოთხოვნების მაქსიმალურად მკაფიო განსაზღვრა
პროექტის დასაწყისშივე განსაზღვრეთ დეტალური ბიზნეს მოთხოვნები. ეს არ არის ბიუროკრატია – ეს არის რეალური ხარჯების დაზოგვა. კარგად განსაზღვრული დავალებები უზრუნველყოფს, ტექნიკური გუნდის მიერ პროცესების ზუსტად ისე შესრულებაც, როგორც ბიზნესს სჭირდება. ბუნდოვანი ან არასრული მოთხოვნები ხშირად იწვევს შეფერხებებს და ძვირადღირებულ გადამუშავებას.
- დააორგანიზეთ კომპლექსური ტესტირება რამდენიმე დეპარტამენტის მასშტაბით
სისტემა მუშაობს სხვადასხვა გუნდის თანამშრომლების მიერ შექმნილ მონაცემებთან. ერთი არასწორად დამტკიცებული პუნქტიც კი ან არასაჭირო პარამეტრი შეიძლება მნიშვნელოვნად აისახოს ფინანსურ, ლოჯისტიკურ ან ანგარიშგების პროცესებზე. შეცდომების ადრეულ ეტაპზე აღმოსაჩენად — სანამ მათი გამოსწორება გართულდება, აუცილებელია კომპლექსური ტესტირება.
BROCARD-ის გეგმები შემდგომი განვითარებისთვის
BROCARD მსოფლიოს უმტკიცებს, რომ სტრატეგიული აზროვნება და გუნდის ნდობა მოლოდინს აჭარბებს. ძლიერმა კორპორატიულმა კულტურამ და მომხმარებელზე მკაფიო ფოკუსირებამ BROCARD-ს საშუალება მისცა, უკრაინის სილამაზის საცალო სეგმენტში ერთ-ერთი ყველაზე ამბიციური ციფრული ტრანსფორმაცია დაეწყო. დღეს, BROCARD მუშაობს ისე, როგორც თანამედროვე ბაზარი იმუშავებს ხვალ.
კომპანია ამაზე არ ჩერდება – ის უკვე ქმნის მომავლის ტექნოლოგიურ ლანდშაფტს. ერთ-ერთი მთავარი პრიორიტეტი იქნება გენერაციული ხელოვნური ინტელექტის ინტეგრაცია ფინანსურ ოპერაციებში – ავტომატიზირებული ბიუჯეტის შექმნიდან და პროგნოზირებიდან დაწყებული ინტელექტუალური ხარჯების ანალიზითა და ოპტიმიზაციის სცენარების შემუშავებით დამთავრებული. BROCARD ასევე გეგმავს მოწინავე ღრუბლოვანი შესაძლებლობების გამოყენებას IT ინფრასტრუქტურის მასშტაბირების, უსაფრთხოების გაძლიერებისა და მონაცემთა დამუშავების დაჩქარების მიზნით. კიდევ ერთი სამიზნე სფეროა ხარჯების კონტროლისა და ბიუჯეტირების პროცესების გაუმჯობესება, ასევე მენეჯმენტის აღრიცხვის გაღრმავება ფინანსური გადაწყვეტილებების სიზუსტისა და გამჭვირვალობის უზრუნველსაყოფად.
SMART business აგრძელებს უკრაინული კომპანიების დახმარებას საერთაშორისო ბაზრებზე ზრდასა და გაფართოებაში. თუ გსურთ გაიგოთ მეტი ბიზნეს პროცესების ავტომატიზაციის შესახებ და იპოვოთ თქვენი კომპანიისთვის სწორი გადაწყვეტილება, გამოაგზავნეთ კონსულტაციის მოთხოვნა – SMART business-ის ექსპერტები სიამოვნებით დაგეხმარებიან.
