Azərbaycan Respublikasının 2025-ci il 30 dekabr tarixli, № 332-VIIQD Qanunu ilə Əmək Məcəlləsində edilmiş dəyişikliklərə uyğun olaraq məzuniyyət hesablanmasında aşağıda qeyd olunan növbədənkənar dəyişikliklər edilmişdir:
- İşçinin qismən ödənişli sosial məzuniyyətdə, işəgötürənin təşəbbüsü ilə ödənişsiz məzuniyyətdə, eləcə də işçinin təqsiri olmadan boşdayanma səbəblərindən işçinin işləməməsi səbəbindən hesablanmış 1 günlük orta əmək haqqı məbləğinin bir günlük sonuncu əmək haqqı məbləğindən az olduğu halda bir günlük sonuncu əməkhaqqının tətbiq edilməsi məqsədilə 100 saylı hesablama funksiyasına yeni “OƏH dövrü üzrə” hesablama parametri əlavə edilmişdir.
- qismən ödənişli sosial məzuniyyət, işçinin təşəbbüsü ilə olmayan ödənişsiz məzuniyyət, eləcə də işçinin təqsiri olmadan baş vermiş boşdayanma səbəbindən tam işlənilməmiş ayların ən yaxın tam işlənilmiş aylarla əvəz olunması tələbi ilə bağlı sazlama imkanı yaradılmışdır.
- Məzuniyyətdə olduğu müddət ərzində işçinin sonuncu əmək haqqından az olmamaqla orta əmək haqqının saxlanılması tələbi ilə bağlı məzuniyyət əmək haqqı elementi üzrə yeni əmək haqqı hesablanması alqoritmi yaradılmışdır.
Azərbaycan Respublikasının 2025-ci il 30 dekabr tarixli, № 332-VIIQD Qanunu ilə Əmək Məcəlləsində edilmiş dəyişikliklərə uyğun olaraq məzuniyyətdə olduğu müddət ərzində işçinin sonuncu əmək haqqından az olmamaqla orta əmək haqqının saxlanılması tələbi ilə müxtəlif növ məzuniyyət hesablamalarında düzəlişlər və əlavə konfiqurasiya imkanları edlmişdir.
Yeniləmə həm kodun yenilənməsini, həm də yeni sazlamaların (dəqiq hansı sazlamaların olduğu ayrıca müəyyənləşdirilir) əlavə edilməsini əhatə edir. Import üçün xüsusi konfiqurasiya paketi təqdim ediləcək.
Yeniləmə yalnız SMART Payroll 2026.01 son buraxılışı və BC 27.1 versiyası mövcud olduqda işləyir. Downgrade əməliyyatları layihə çərçivəsində ayrıca müştəri müraciətləri əsasında həyata keçirilir.
Biznes proseslərinizin sabitliyini və uyğunluğunu SMART business ilə birlikdə təmin edin!
